من روائع محمد عبد الله ولد محمد آسكر

من الشعر الشعبي لمحمد عبد الله ولد محمد آسكر  في غرض الغزل (أژمَّاگ) بت لبتيت التام

أَصْلْ انْصابْ الْحدْ إلَ هدْ		ورْفدْ مسْتَگْبَلْ ماشَيَّدْ
ولَّ گَاعْ إطيرْ إلَ گَدْ		كانْ إبلاَ جَنْحَ وَبْلا رِيشْ
بيهْ أَلِّ لعادْ إمْشَوَّدْ		گَبْلَ فيهْ أَلَّبْگَرْ لحِشيشْ
وَرْبيعْ الْوَرْگَ گَاعْ أَشَدْ		أَلَّغْنَمْ والْخَيْلْ الْعَكْرِيشْ
ولَّ عادْ إلَوَّدْ لَبْلدْ		فيهْ إدَوَّرْ يَلْبَسْ وِعيشْ
أَلْخَنْطْ أَلاَّ شدْ أَعْلَ شدْ		يَشْريهْ إلَ جابْ إطْرانيشْ
معاشْ الْگَبْلَ مايَنْعدْ		أَچقارْ ؤ مارُو والْعَيْشْ
بَلاَّخْ الزَّيْنْ ؤ عَيْشْ الْعَبْدْ		والْمَصْ ؤ لَمْدِيغْ ؤ لَكْريشْ
ولَعادْ أَمَّابِي عنْ ذَ زادْ		عادْ ءُ يَمُّو يَمْ أَتْفَگْرِيشْ
وتْحَنْكِيشْ ءُعَزَّتْ لَغْيـادْ		فمْ أَمَلِّ منتْ أَهْلْ النَّيْـشْ