يا امحمد نختير انوصيك=واسمع لصاي يا امحمد
لاتستهون ش شين اعليك=أفطن لخبار ألا تشتد
لاترض يا امحمد مقام=اسغير ءلا تجهل لحكام
واكر لحكام اعل تسكام=ويل عدت امجمع فبلد
لاتغتاب ءكلل لكلام=واحذر لاتكعد فوجه حد
ويل عدت ابجاهك هنيه=ونعت كاع انك مانك بيه
ويل عدت ابعلمك واسيه=يا امحمد للواحد الاحد
امنين اتواسيه الخلطيه=امركت اخبارك يا امحمد
جهل اللوغ يا امحمد شين=ءجهل النحو أل ماه زين
واكر لحكام ءفرض العين=ول يا امحمد ما وحد
ذاك لخير إعود ابلا دين=واحذر لا تطرح يا امحمد
عن ذ كامل ما هيين=هاذ هيين إلا ر حد
لا تتواضع لاهل التطراك=فالمال اتواضع للخلاك
اكبرت انت مانك مشتاك=الحمد لله اتفكد
واعط واخلاك لا تظياك=واعكد فامنين اسو تعكد
سرك يا امحمد لا تعطيه=لل ماه مفلوش اعليه
وال من حد ابغاك ابغيه=اسو كرب وسو بعد
ءصرع العار اتف بيه الغيه=العار اخبار ما تشتد
جمع امجمع كبلك جوليه=يرجع يختيرك تتحيد
كون إلاعاد امنين اتجيه=إعود امن اخيلم أهل احمد
واحذر لاتفلش مكر الرب=واعل كومك لاتسبب
المسبب مايطبب=وابتسباب كان المقصد
إعود اعل راص زرب=ما لاه يفتح عن حد.
ليست هناك تعليقات:
إرسال تعليق