مَا كَانتْ غَيْدَ تَحْجَـــلِّ = ماَنَللَّ منْ غِيـدْ التّشْهَارْ
يَكُونْ الْبَارحْ يَغْفَـــرْلِ = شفْتْ احْذَ ذِيكْ الْخَيْمَ نَارْ
لَحْكتْ مَا فَـ اخْلاَگ مَسْلَ = منْ لَغْيَادْ أُ كَاردْ لخْــلَ
واظَوَاتْ اشْوَيْ اعْلَ غَفْلَ = شفْتْ اعْلِيهَ منْتْ الْگَوَّارْ
واطْفَاتْ امَّلِّ بلْعَجْـــلَ = نَعْرَفْ عَنْ ذِيكْ أُ لاَهِ عَارْ
النَّارْ امْنَيْـنْ اظْوَاتْ اعْلَ = منْتْ الْگَوَّارْ اطْرَاتْ أَخْبَارْ.
وله أيضا:
يَگْطَعْ بَـ امْنَادمْ منْ لَكْهَالْ = = كَانْ ابْـ شَبَـابُ عَنُّ زَالْ
وابْـ وذْنَيْهْ أُ يَسْمَعْ مَـزَالْ = = وابْـ عَيْنِيهْ إِشُوفْ ابْعَيْنِيهْ
گدْ الْ شَافْ ابْـ عَيْنِيهْ أُ نَالْ = = امَّلِّ منْ جِيهة وذْنَيْـهْ
مَا لاَهِ يگْبلْ بَعْدْ الْبَـالْ = = عَنُّ مَا غَادِيلُ شِ فِيــهْ
